ವೈ ಪ್ರೇಮ್ ಕುಮಾರ್ ಅವರ ಹೇರೆತ್ತು ಕಾದಂಬರಿ ಬಿಡುಗಡೆ ನ17ಕ್ಕೆ

ಕಳಸ ಲೈವ್ ವರದಿ
ಕವಿ ಬರಹಗಾರ ವೈ ಪ್ರೇಮ್ ಕುಮಾರ್ ಅವರ ಹೇರೆತ್ತು ಕಾದಂಬರಿ ಇದೇ ತಿಂಗಳ 17 ರಂದು ಬಿಡುಗಡೆಗೊಳ್ಳಲಿದೆ.
ಕಳಸ ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತು, ಕ.ಸಾ.ಪ ಮಹಿಳಾ ಘಟಕ, ಕ.ಸಾ.ಪ ಹೋಬಳಿ ಘಟಕ ಹಾಗೂ ಕಳಸ ಪ್ರಥಮ ದರ್ಜೆ ಕಾಲೇಜು ಸಹಯೋಗದಲ್ಲಿ ಸುವರ್ಣ ಕರ್ನಾಟಕ ಕನ್ನಡ ರಾಜ್ಯೋತ್ಸವ ಅಂಗವಾಗಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಸಭಾಂಗಣದಲ್ಲಿ ಈ ಕಾರ್ಯಕ್ರಮ ನಡೆಯಲಿದ್ದು, ಪುಸ್ತಕ ಬಿಡುಗಡೆಯನ್ನು ಕ.ಸಾ.ಪ ಜಿಲ್ಲಾಧ್ಯಕ್ಷ ಸೂರಿ ಶ್ರೀನಿವಾಸ್ ಮಾಡಲಿದ್ದಾರೆ.
ಕಾರ್ಯಕ್ರಮದ ಉದ್ಘಾಟನೆಯನ್ನು ಮಾಜಿ ತಾ.ಪಂ ಅಧ್ಯಕ್ಷ ರಾಜೇಂದ್ರ ಹಿತ್ಲುಮಕ್ಕಿ ಮಾಡಲಿದ್ದು, ಕಾರ್ಯಕ್ರಮದಲ್ಲಿ ಕ.ಸಾ.ಪ ತಾಲ್ಲೂಕು ಅಧ್ಯಕ್ಷ ಅ.ರಾ.ಸತೀಶ್ಚಂದ್ರ, ಕ.ಸಾ.ಪ ಜಿಲ್ಲಾ ಸಂಚಾಲಕ ಹೆಚ್.ಆರ್.ಪಾಂಡುರಂಗ, ಕ.ಸಾಪ ಮಹಿಳಾ ಘಟಕದ ಅಧ್ಯಕ್ಷೆ ಮಮ್ತಾಜ್ ಬೇಗಂ, ಕ.ಸಾ.ಪ ಹೋಬಳಿ ಅಧ್ಯಕ್ಷ ಶೇಖರ್ ಶೆಟ್ಟಿ, ಕಾಲೇಜು ಪ್ರಾಂಶುಪಾಲ ವಿನಯ ಕುಮಾರ್ ಶೆಟ್ಟಿ, ನಿಕಟಪೂರ್ವ ಸಮ್ಮೇಳನಾಧ್ಯಕ್ಷರು ತಾ.ಕ.ಸಾ ಪರಿಷತ್ತು ಮಾಡಿಗೆರೆ ಅ.ರಾ.ರಾಧಕೃಷ್ಣ, ಕೆ.ಕೆ.ಬಿ ಬಸ್ಸು ಮಾಲಿಕರು ಕೆ.ಕೆ.ಬಾಲಕೃಷ್ಣ ಭಟ್, ಕಾಫಿ ಬೆಳೆಗಾರರು ಕೆ.ಸಿ.ಧರಣೇಂದ್ರ, ಮಾಜಿ ತಾ.ಪಂ ಅಧ್ಯಕ್ಷ ಎಂ.ಎ.ಶೇಷಗಿರಿ ಭಾಗವಹಿಸಲಿದ್ದಾರೆ.