ರಸ್ತೆಗೆ ಅರಣ್ಯ ಇಲಾಖೆ ಬೇಲಿ ಗ್ರಾಮಸ್ಥರ ಆರೋಪ, ಬೇಲಿ ಎರಡು ವರ್ಷದ ಹಿಂದೆನೇ ಹಾಕಿತ್ತು ಅರಣ್ಯ ಇಲಾಖೆ ಸ್ಪಷ್ಟನೆ

ಕಳಸ ಲೈವ್ ವರದಿ
ಕಳಸ ತಾಲ್ಲೂಕಿನ ಕೆ ಕೆಳಗೂರು ಗ್ರಾಮದ ನಾಗನಮಕ್ಕಿ ಮೂಲಕ ಬಾಳೆಹೊಳೆ ಯಿಂದ ಮರಸಣಿಗೆ ಸಂಪರ್ಕ ಕಲ್ಪಿಸುವ ರಸ್ತೆಯಲ್ಲಿ ಇರುವ ಬೇಲಿಯನ್ನು ತೆರವುಗೊಳಿಸಬೇಕೆಂದು ಸ್ಥಳೀಯರು ಆಗ್ರಹಿಸಿದ್ದಾರೆ.
ಈ ರಸ್ತೆ ಮಣ್ಣಿನ ರಸ್ತೆಯಗಿದ್ದು, ರಸ್ತೆಗೆ 2 ಕೋಟಿ ಅನುದಾನದಲ್ಲಿ ಕಾಂಕ್ರಿಟ್ ಹಾಕಲು ಫೆಬ್ರವರಿ 11 ರಂದು ಮೂಡಿಗೆರೆ ಶಾಸಕಿ ನಯನ ಮೋಟಮ್ಮ ಗುದ್ದಲಿ ಪೂಜೆ ನಡೆಸಿದ್ದರು. ಆದರೆ ಇದೀಗ ಅರಣ್ಯ ಇಲಾಖೆ ರಸ್ತೆಯ ಮಧ್ಯೆನೇ ಅರಣ್ಯ ಇಲಾಖೆಯ ಬೇಲಿ ಇದೆ.ಇದರಿಂದ ನಮ್ಮ ರಸ್ತೆಯ ಕಾಂಕ್ರಿಟ್ ಹಾಕುವ ಕೆಲಸ ಸ್ಥಗಿತಗೊಂಡಿದೆ. ಈ ಬೇಲಿಯನ್ನು ಅರಣ್ಯ ಇಲಾಖೆ ಕೂಡಲೇ ತೆರವು ಮಾಡಬೇಕು ಇಲ್ಲವಾದಲ್ಲಿ ಉಗ್ರ ಹೋರಾಟ ಮಾಡುವುದಾಗಿ ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.
ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಉಪ-ವಲಯ ಅರಣ್ಯ ಅಧಿಕಾರಿಯಾದ ಸುಂದರೇಶ್ ರವರು, ಈ ಹಿಂದೆ ರಸ್ತೆ ಚಿಕ್ಕದಾಗಿದ್ದು, ಬೇಲಿ ಯನ್ನು 2 ವರ್ಷದ ಮೊದಲೇ ರಸ್ತೆಯ ಅಂಚಿನಲ್ಲಿ ಹಾಕಿದ್ದೆವು. ಪ್ರಸ್ತುತ ರಸ್ತೆ ಕಾಂಕ್ರೀಟೀಕರಣಕ್ಕೋಸ್ಕರ ಅಗಲೀಕರಣ ಮಾಡಲಾಗಿದ್ದು, ಈ ಹಂತದಲ್ಲಿ ಬೇಲಿಯ ಎರಡೂ ಬದಿಯಲ್ಲಿ ರಸ್ತೆ ಅಗಲೀಕರಣ ಮಾಡಿರುವ ಹಿನ್ನಲೆಯಲ್ಲಿ ಬೇಲಿ ರಸ್ತೆಯ ಮಧ್ಯದಲ್ಲಿ ಕಾಣುತ್ತಿದೆ ಹೊರತು ರಸ್ತೆಯ ಮಧ್ಯದಲ್ಲಿ ಹೊಸದಾಗಿ ಬೇಲಿ ಹಾಕಿರುವುದಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.